• 2022/03/29

Marketing eta Publizitateko goi mailako zikloa egiten ari den Arian Herrero ikasleari elkarrizketa egin diote Ikaslan Araba aldizkarian

DUALa bai? DUALa ez? Ohiko galdera da lanbide-heziketako lehen mailan gaudenon artean. Eta ez da erraza, DUAL esatean burura etortzen zaizkizun lehen gauzak erantzukizuna eta denbora gutxiago baitira.

Nire kasuan, aukera hori ezagutu nuenetik, beti izan dut argi DUALa egin nahi nuela. Alde batetik, garatzen ari zaren ezagutzak (nire kasuan, marketina) eremuko lan-munduan aplikatzen ikasten duzu, eta lanean esperientzia oso aberasgarria lortzen duzu. Bestalde, enpresetan oso ondo baloratutako zeharkako gaitasunak eskuratzen dituzu, hala nola denboraren kudeaketa. Gainera, aipatzekoa da ohiko praktika batzuetatik bereizten duena ordainsaria eta enpresan egondako orduak direla. Beraz, niretzat, aparteko ahalegin hori behar duen arren, guztiz merezi izan du.

Baina, zintzotasunez... arratsalde batzuetan sofing egin nahi baduzu edo ikasi behar baduzu, DUALagatik ez duzu hainbeste denbora izango. Nahiz eta enpresako ordutegiak askoz malguagoak izan, enpresarekin lan-akordio bat bete behar denez horrek konpromiso bat eskatzen du.

Laburbilduz, eguneroko erronkak desafiatzea, gainditzea eta ikastea gustuko duen edonori gomendatzen diot, gure esperientziari balioa emateko modu gehigarria baita.