2025/10/09

Institutuko ikasle batzuk LabEmprende Bus Ibiltaria esperientzian parte hartu dute. Ekimenaren helburua ekintzailetza-gaitasunak suspertzea, hazkunde pertsonala sustatzea eta gazteen ekimen-gaitasuna indartzea da.

LabEmprende espazio berritzailea da, ekintzailetzaren arloko hezkuntzaren eta prestakuntzaren zerbitzura dagoena. Bartzelonako CaixaForumeko bertsioak izan duen arrakastaren ondoren, lurralde osoa zeharkatzen duen laborategi mugikor bihurtu da proposamen hau, eta ikaskuntza-esperientzia paregabea hurbildu die ikastetxeei.

Bisitan, parte-hartzaileek tailer interaktibo eta multimedia batez gozatzeko aukera izan zuten, non ekintzailetzaren kontzeptua, ekintzaileen ezaugarriak eta jarrera horrek dakartzan balioak ezagutu zituzten. Erabat egokitutako autobus baten barruan dago gunea, eta esperimentazio-eremu ugari ditu. Eremu horietan, gazteek ibilbide bat egin dezakete, ekintzaile-jarreratik negozio-ideia bat martxan jartzeraino.

Esperientzia sei etapatan egituratzen da:

1. Ekitea jarrera bat da
2. Ekintzaileak gara
3. Begira: behatzen ikasi
4. Pentsatu: irtenbide berritzaileak
5. Egin: ideiatik negoziora
6. Hasi: nahi baduzu, ahal duzu

LabEmprende bigarren hezkuntzako eta heziketa-zikloetako ikasleentzat da, baina helduentzako eskolak eta familia-taldeak ere hartzen ditu. Dinamizatzaileek guneko baliabideak egokitzen dituzte, parte-hartze inklusiboa eta publiko guztientzako irisgarria bermatzeko.

Jarduera hau aukera bikaina da gure ikasleek espiritu ekintzailea gara dezaten eta talde-lanaren, sormenaren eta berrikuntzaren balioak modu praktikoan esperimentatu ditzaten.