2026/04/13

Apirilean eta maiatzean, Marketin eta Publizitateko goi-mailako zikloko ikasleek PAN CON VALOR proiektuarekin aurrera jarraitu dute. Apirilean dastaketa sentsorial bat egin genuen eta bertan lortutako analisiaren emaitzak Gamarrako Ostalaritza Eskolan aurkeztu ditugu.

Dastaketa sentsoriala funtsezko tresna da elikagaien industrian eta osasun-arloan, elikagai baten ezaugarri organoleptikoak bost zentzumenen bidez aztertzeko aukera ematen baitu. Gure kasuan, glutenik gabeko ogien kalitatea, onarpena eta balizko hobekuntzak aztertu ditugu, merkaturatu edo menu batean sartu aurretik.

Horretarako, kontuan izan dugu nola hautematen dugun elikagai bat honako irizpideen bidez:

• Ikuspegia: kolorea, forma, distira eta aurkezpena.
• Usaimena: aroma eta intentsitatea.
• Gustua: gozoa, gazia, garratza, mingotsa eta umamia.
• Ukimena: testura, kremositatea edo karraskaria.
• Belarria: soinua mastekatzean, bereziki produktu karraskarietan.

Horrela, dastatze sentsorialari esker, gure produktu berrien onarpena ebaluatu ahal dugu, baita kalitatean aldaketak detektatu, formulazioak alderatu eta sukaldaritza kolektiboan errezetak hobetu ere.

Amaitzeko, proiektuaren emaitza horiek maiatzaren 18an aurkeztu ziren Gamarrako Ostalaritza Eskolan egindako ekintzailetza eta berrikuntza azokan, eta PAN CON VALOR proiektuak iraunkortasunari, elikadurari eta ekonomia zirkularrari lotutako beste berrikuntza-ekimen batzuekin batera parte hartu zuen.

Nabarmentzekoa da ekitaldian TKNIKAko eta Lanbide Heziketako Sailburuordetzako ordezkariak izan zirela. Sailburuordetzaren aldetik, Inge Gorostiaga Teknologia Digitalaren eta Ikaskuntza Aurreratuen zuzendaria etorri zen. Era berean, TKNIKAren ordezkari gisa, Nora Amorena Ekintzailetza arloko zuzendariak eta Pilar Bandres Biozientzien arloko zuzendariak parte hartu zuten.